مصادر تعلم البرمجة .. اقوى 7 مصادر

د ابراهيم الفقى التحرر من الافكار السلبية 

من كتر ما اتقال لنا كلام واحنا صغيرين وبتعبيرات معينة وبوضع جسم معين وبنبرة صوت معينة وبوضع جسم معين صدقناها فبفرض مثلا واحنا صغيرين اتقال لك كلمة يا غبي يا غبي يا غبي تفتكر ده اسمك تفتكر ده اسم الدلع. تروح المدرسة ترفع ايدك يقول لك انت غبي الله عرف ازاي ده خد بالك بقى لما توصل لمرحلة تكبر في السن وانت قاعد في اجتماع مجلس الادارة. وبعدين حد يقول كلمة غبي تبص وراك. هم لاحظوا عرفوا ازاي ؟ هنا في مشكلة وقت من الاوقات اللي كنت موجود في الكويت من شركة kbm يعني كنت معزوم من هناك من ناس كبار في البلد. المهم وقلت اسم حيوان 14 مرة اشوف تحكمهم في وبعدين واحد فيهم كان دكتور في علم النباتات دكتور نجيب فقال لي يا دكتور ابراهيم بلاش تزكر اسم الحمار لان ده اسم عيب هنا قلت له انا سعيد جدا انك لاحظت وبعدين رجعت تاني قلت لهم قولوا لي ايه اللي مزعلكم الحمار قالوا لي غبي. قلت لهم لأ ده كان زمان يحطوا الحاجات على ضهره كان يوصلها لوحده. للقرية ف غبي ازاي وبعدين لما كانت تيجي توكله بياكل اي حاجة ما بيقولكش والله النهارده انا عايز اسكالوب بانيه لما تيجي تشغله بيشتغل عشرين ساعة ما يقولكش هم 8 ساعات لما اشتكيك للنقابة وبعدين لما تيجي تنيمه بينام في اي حتة ما بيقولكش عايز لوكاندة خمس نجوم يعني ابن حلال وذكي جدا وبيشتغل في الوقت اللي عاوزه وبياكل اللي انت اديته له وبينام في اي مكان. ايه اللي مزعلك من الحمار فقال لي انت حببتني في الحمار. واحدة قال لي انا عايز حمار ابوسه. قلت له خلاص بوس اللي جنبك وبعدين بدأت اشرح لهم ايه السبب ان انا قلت الكلام ده لان واحنا صغيرين اتقال لنا كلام باسلوب معين وبتعبيرات معينة وبدبرة صوت معينة وبحدة صوت معينة فبدأنا ناخدها ونديها معنى معين فلما كبرنا واي حد يقول لك الكلمة دي بيخليك تفقد الكنترول بيخليك تفقد التحكم في زاتك يبقى معنى كده الكلام نفسه الاقي واحد صاحبي قال لي طب دكتور لو حد قال لك انت تعمل ايه? قلت له هبص في المراية لو لقيت حمار هزعل. لكن هلاقي ابراهيم الفقي ولو ما فيش حاجة يبقى عندك حمار ساكن جواك هو ده اللي عاوز يتعالج. يبقى في الحالات دي الاراء الخارجية المؤثر الخارجي العالم الخارجي بيأثر فيك وفي احاسيسك. يبقى انت مش متزن يبقى لازم تعرف كويس جدا انك تتزن داخليا مهما قال لك اي حد. لا زال برضك متزن داخليا في وقت من الاوقات لما بدأت اكتب قوة التحكم في الزات كتبتها تحت نجاح بلا حدود بدأت بقوة التحكم في الذات وبعدين المفاتيح العشرة نجاح وبعدين حكاية الاهداف والرؤية والغرض والكلام ده كله وبعدين ادارة نشاطات حياتك ونزلت نجاح بلا حدود وانا سعيد جدا اللي اتعدت اكتر من ستة مليون ونص حوالين العالم وترجمت باكتر من لغة ، قوة التحكم في الذات وانا بكتبها اتعرفت على دكتور اسمه تشاد هلمستتر كتب كتاب اسمه ماذا تقول عندما تتحدث الى نفسك والكتاب ده مترجم باكتر من لغة وموجود باللغة العربية وتشاد هلمستتر انا اتعلمت منه كتير الحقيقة وهو بيتكلم عن التحدث مع الذات انا كنت بدور على حاجة اسمها التمثيل الداخلي انك بتمثل حواسك الخمسة بطريقة داخلية بتأثر على احاسيسك خدوا بالكم ايه اللي بيحصل بمجرد ما تدرك اي معلومة بتفكر فيها. ولما تفكر فيها بتأثر على تركيزك. ولما تأثر على تركيزك بتأثر على انتباهك. ولما تأثر على انتباهك بتأثر على احاسيسك ولما تأثر على احاسيسك بتأثر على سلوكك والسلوك بسبب النتايج ونتايج بتسبب الواقع في هذا الوقت والواقع يتسع وينتشر من نفس نوعه كل ده عايز تغير واقع حياتك غير ادراكك غير تفكيرك غير افكارك لان افكارك هي سبب في اللي بيحصل ده. طب شف لا كلمة ادراك يعني معنى كده انت بتتعلم معنى تعال نشوف الله سبحانه وتعالى هو بيكلم لما قال لك وعلم ادم الاسماء كلها كلمة علم ده ادراك لمعنى الاسماء كلها طب وعلم مين ؟ ادم. يعني ده اختصاص. يعني ده تعظيم. يعني ده تحديد وبعدين كل الاسماء اه كل الاسماء بما فيها اسماء الله الحسنى قال لك كلها كلها كل شيء والا ما كناش نفهم بعض. يبقى معنى كده يبقى معنى كده ان انت مش هنا عشان تتعلم حاجة جديدة انت هنا عشان تكتشف اللي انت تعرفه فمهما اتكلمنا هتلاقي معلومات انت عارفها لان متخزنة جواك. خدوا بالكم من الحتة دي. لولا وجود عكس المعنى لما كان للمعنى معنى لولا وجود عكس المعنى لما كان للمعنى معنى لولا وجود الظلام له مكانة للنهار معنى لولا وجود الالم لا مكان للراحة معنا. لولا وجود المرض لما كان للصحة معنا لوجود شيء لمكان الاخر شيء وعشان كده ربنا سبحانه وتعالى عمل كل شيء لازم يكون حاجة عكسه. وبعدين قال لك ازاي? ان مع العسر يسرا. خليني اسألكم سؤال. انهي افضل? اليسر ولا العسر اليسرى ولا العسر يا عبدالله؟ اليسر مش كده العسر ولا اليسر الحقيقة الاتنين واحد الاتنين واحد العسر فيها عشر فوايد يمكن في فوايد اكتر من كده بكتير وقت العسر ده الوقت اللي انت بتبدأ تفكر فيه تخرج فبتبقى مبتكر اكتر ده انا بتكلم على الجزء المادي لو الجزء الدنيوي بتفكر تخرج من اللي انت فيه فبتتعلم. وتعلم اللي بيحصل. وقت ما تتوجع بتقرب اكتر من الله سبحانه وتعالى. ومع الالام بتتغسل اما اليسر نفسه جواه عسر والعسر جواه يسر عشان كده مع ان مع العسر يسر مع العسر يبقى العسر جاي الاول واليسر بعدها اليسر بعدها لان المخ بيبني على اخر تجربة والعسر الاول لان هو ده اللي انت بتتعلم منه. يبقى الطريق اللي اليسر هو العسر. فلولا وجود العسر لما كان هناك يسر. ولولا وجود اليسر لما كان هناك عسر. يبقى العسر و اليسر هم الاتنين واحد مفيش اي فرق بين الاتنين العسر اليسر واحد يبقى اليسر بيوصلك لعسر العسر يوصلك ليسر وهنا حكمة الله سبحانه وتعالى لولا وجود عكس المعنى لما كان للمعنى معنى لولا وجود العسر لما كان لليسر معنى. ولولا جهد يسر لما كان العسر معنا. عشان كده الله سبحانه وتعالى قال لك ان مع مش ولا بعد ولا قبل ان مع الاتنين سوا. الاتنين مع بعض ماشيين ومختلفين وفي نفس القوة ماشيين في نفس الاتجاه. لما اجي افكر كده يقول لك طيب لولا وجود عكس المعنى لما كان للمعنى معنى. ولولا وجود الاسماء لما كان للمعنى قيمة لان علم ادم الاسماء كلها لولا وجود الاسم نفسه يبقى المعنى ما لوش قيمة. يبقى معنى ما فيش ما فيش معنى يبقى ما فيش ادراك. يبقى ما فيش عقل تحليلي يبقى ما فيش وجود يبقى ما فيش بشر يبقى ما فيش اي حاجة. يبقى ما فيش احنا ما لناش وجود. يبقى معنى كده الاسماء نفسها لولا وجودها ما كانش فيه معنى اللي احنا بنقوله دلوقتي. فلما اقول لك خد بالك من نفسك. دي كلها اسماء. انت اسمك ايه? بتقول لي اسمك. انت بتعمل ايه? بتقول لي اسماء. انا قاعد ده اسم انا واقف ده اسم. انا نايم ده اسم انا ماشي ده اسم هكلمك على التفاحة واقول لك على حاجات بس مش عارف يعني ايه اسم التفاحة هتنساها لا لازم يكون في اسماء فشوف روعة الخالق سبحانه وتعالى لما يقول لك وعلم ادم الاسماء كلها لان لولا وجود هذا الاسم لما كان للمعنى قيمة اطلاقا ولمكانة للمعنى معنى اطلاقا ولما كنت فهمت ولا كلمة من اي حد بيقولهالك ولما كان الانسان ولا التواجد العقلي التحليلي ولا التواجد المنطقي بالنسبة للانسان اللي هوا بيفرق بينا وبين اي حد تاني لما تسأل اي انسان يكون متضايق قل له قل لي انت مضايق مش كده? اقول لك اه قل له هو طب احساسك بيكون فين في جسمك? هل الاحساس موجود في حتة في جسمك? يقول لي موجود مثلا هنا او هنا وهنا. طب هو ده الاحساس اللي انت عاوزه هقولك لأ طب انت عاوز ايه؟ يقولك عاوز احساس افضل طب عاوزه ازاي؟ وعاوزه امتى وعاوزه فين وعايز تعمل ايه اذا كان حد شاف لي بعض البرامج بوريه لك ازاي ان ممكن بفضل الله سبحانه وتعالى تتحكم في احاسيسك بسرعة جدا بسرعة مبتاخدش وقت كبير هقولكو حاجة مهمة جدا مين فيكو هنا بيحب يتفرج على افلام رعب حد بيحب يتفرج على افلام رعب اوكي هل في حد يتفرج على افلام رعب بالليل الساعة اتنين بالليل لوحدو خالص لوحدو خالص هل ممكن بقى اتفرج على فيلم رعب الساعة اتنين بالليل واحدة خالص وعايز تروح التواليت تبص وراك تشوف ممكن تحصل او تقعد على السرير تروح رافع رجلك ما حدش يشدك من تحت. طب خليني اسألكم سؤال هو ايه اللي بيخوف في فيلم الرعب? الصوت ولا الصورة ولا الاتنين الاتنين لو قفلنا الصوت يديك نفس الاحساس لو سبنا صوت وخدنا الصورة وقفلناها يديك نفس الاحساس لو خدنا الصورة بعدناها بقت صغيرة جدا يديك نفس الاحساس يعني معنى كده لو غيرنا في تركيبة التجربة نغير التجربة نفسها يبقى معنى كده ان كل تجربة لها تركيبة بالحواس الخمسة. لو احدثت تغيير في التركيبة تغير كل التجربة ودي ثورة في العلم الحديث. ان ممكن تغير اي احساس وبسرعة جدا. لو عندنا شوية وقت اي حد عنده اي احساس سلبي يطلع هنا ويخليك تخلص منه في اقل من عشر دقايق. ومش هتعرف تفكر فيه تاني. وهتشوف نفسك. هتشوف ازاي على العلوم الحديث دي في في منتهى القوة. دلوقتي بقى خليني اسألكو سؤال لما انت بتفكر التفكير ده بيسببلك ايه بيسبب احساس مظبوط الفكرة بتسبب احساس مجرد ما تفكر هتسببلك احساس هتلاقي الاحساس ده هيسبب لك سلوك لان احساس الانسان هو وقود الانسان. ربنا خلق الروح الروح عايزة بيت تعيش فيه فهو الجسد. الجسد عايز دنمو يحركه فهو العقل والعقل عايز وقود يحركه. فهو وقود الانسان هي احاسيسه يبقى احنا عبارة عن روح وجسد وعقل واحاسيس لو شلت واحدة التانية تبوظ لو عندك سيارة فيها العجل بتاعها وفيها الموتور بتاعها وفيها جسم السيارة وفيها السواق لو شلت السواق السيارة ما تمشيش وشلت الموتور السيارة ما تمشيش. ولو شلت العجل السيارة ما تمشيش. لازم كلهم متواجدين. فانت عندك روح وعندك عقل وعندك جسد وعندك احساس. لازم الاربعة يكونوا بيتكلموا نفس اللغة فلما حد ييجي يقول لي ازاي ممكن اتحكم في احاسيسي؟ التحكم في الذات بتبدأ بالتحكم في التحدث مع الذات. فالتحكم في الذات بتبدأ بالتحكم في التحدث مع الذات. انت بتكلم نفسك ازاي انت بتقول لنفسك ايه وانت قاعد? انت بتفكر في ايه? انت بتعمل ايه? انا وقت من الاوقات لما كنت باخد استشارات كتير كان من ضمن الاسئلة بسأل الناس اولا علاقتك ايه بالله سبحانه وتعالى? ادي اول حاجة. ثانيا بتقضي يومك ازاي? روتين يومك من اول ما بتقوم من النوم لغايت ما بتنام بتعمل ايه والسؤال التالت هل انت مبسوط من روتين يومك هتلاقي معظم الناس تقول لك لأ طب لما انت مش مبسوط من روتين يومك متوقع ايه ما انت هتكتئب فاللي انت بتعمله وصلك لمرحلة انت مش مبسوط منها يبقى لازم تغير الفعل عشان رد الفعل يتغير لو تعمل نفس الفعل هتجيلك نفس النتيجة وده اللي قالوه الصينيين بتاعهم يقول لو بتعمل نفس الشيء هتجيلك نفس النتيجة مفيش حاجة هتتغير غير لما انت تتغير الاول طب اغير ايه اغير الفعل اغير التفكير ان الله لا يغير ما بقوم حتى يغيروا ما بانفسهم طب طب لما تيجي تصلي يا رب غيرني ربنا سبحانه وتعالى يقول لك انا غيرتك من زمان. انت اللي جواك كل الملفات العقلية. انت السبب في افكارك. بمجرد ما تفكر في تفكير ايجابي هتلاقي الملفات العقلية الايجابية تتفتح. فلما تفكر في تفكير سلبي هتلاقي الملفات العقلية السلبية تتفتح. وانت بتقرر ده او بتقرر ده تقول يا رب غيرني فكله انت متغير. انت متغير من قبل ما تتولد بس انت مصمم تركز تركيز سلبي وتفكر تفكير سلبي فدي النتيجة. النتيجة هي التفكير السلبي بتدي لك احساس سلبي والاحساس السلبي بيخليك تعمل سلوك سلبي. والسلوك السلبي عندك نتايج سلبية وبعدين تدي لك واقع سلبي وده يتسع وانتشر من نفس نوعه مفيش حاجه هتتغير غير لما تغير افكارك التحدث مع الذات بيسببلك الاعتقاد والاعتقاد بيسببلك السلوك طبعا كله ده يعني بتبدأ مع التحدث مع الذات الاحاسيس ازاي تتحكم في احاسيسك هنا هقول لكم حاجه بسيطه جدا علشان خاطر نروح بيها علشان تتحكم في نفسك اول حاجه تعملها انك ترجع لله سبحانه وتعالي حق الرجوع بكتير.

تعديل المقال